Portfolio items archivo

Irantzu Lekuek mural berri bat garatu du Montgaten

7 abendua, 2020

Artista gasteiztarrak mural parte-hartzaile berri bat aurkeztu du.

Sorkuntzak markatzen du bidea, gizarte-gaiek, konpromiso artistikoak eta ekintza kolektiboak egiten duten bezala. Oraingoan Katalunian, Montgaten zehazki, erakunde publikoekin eta norbanakoekin lankidetzan.

Kataluniako udal honek mural parte-hartzaile bat egitea bultzatu du, ondo ikusten den hiri-eremu batean emakumeenganako indarkeria ezabatzeko borrokari ikusgarritasuna emateko. Lana amaituta dago, inaugurazio ekitaldia Internet bidez ere ikusi ahal izango da.

AZTARNA / HUELLA

7 abendua, 2020

Noaingo zentzumenen parkean garatzen den “Aztarna/Huella” instalazio artistikoa mezuekin atzemandako ehunka harriz osatuta dago, eta hatz-marka handia osatuko dute.

Harria, iraunkorra denaren sinboloa, iraganezina dena, kultura askotan, botere jainkotiarraren ikurra da, eta, oraindik ere, zenbait kulturatan izatearen ikurra da.

Bere gogortasunak eta iraupenak gizakia txunditu zuten. Badira harrian biologikoaren kontrakoa ikusi dutenak, aldaketaren legeen kontrakoa; dekrepitatea, heriotza, baina baita kontrakoa ere; hautsa, hondarra eta harribitxiak, degradazioaren itxura. Harri osoak, horrela, denbora luzez, batasuna eta indarra sinbolizatu zituen.

Sinbolista batzuek harrien esanahia zuhaitzenarekin alderatu dute. Batzuek ondorioztatu dute, hauek “bizitza dinamikoa” sinbolizatzen duten bitartean, hauek “bizitza estatikoa” sinbolizatzen dutela, honen ezaugarri nagusia, arbasoek euren mezuak grabatzeko euskarri egokia izan zela, mendeetan zehar iraun zezaten. Harriei, lurreko indarrak bildu eta pertsonei kontaktu bidez transmititzeko ahalmena ematen zitzaien. Batzuetan, harri pila bat promesa edo zin jakin baten lekuko eraginkortzat har daiteke. Kultura judutik maiara. Euskal Herritik indiar erara.

Hori dela eta, instalazioaren material nagusia harria da. Lehenik eta behin, gizakiak esku hartzen du aldaketa klimatikoari buruzko hausnarketen bidez, helarazi nahi diren mezu ekologikoen lekuko. Harri horiekin hatz-marka handi bat sortuko da, harrietan inprimatutako mezuek osatua.

Kontzientzia hartzea mailakatua izango da horrela. Lehen hausnarketatik harriaren gaineko esku-hartzera. Prozesu hori lurra eta ingurumena zaintzeko konpromiso publiko eta komunitarioarekin amaitzen da.

Esku-hartzea zentzumenen parkearen esparruaren kanpoaldean kokatzen da, eta erabiltzaileek aldatu ahal izango dute mezuak helarazteko. Instalazioa dinamikoa da, sinbologia eta elkarrizketa berrietarako bide berriak eratuz.

Yone Estivariz artista gasteiztarrak Latxa erakusketa aurkeztu du ARTgia-n

6 martxoa, 2020

Lehen aldiz, deialdia Gasteizko Udalaren Gazteria Sailak emandako babesari esker burutuko da

Estivariz-en ostean, Uxue Ruiz de Arkaute arkitektuaren proposaeman garatuko da eta, ondoren, Estibaliz Agirre artistarena

GASTEIZ. Martxan da ARTgia sorgune & aretoaren EmART programa. Irantzu Lekue koordinatzaileak azaldu duen moduan „emakume artiston lana mahaigaineratzea eta balorean jartzea da proposamen honen helburua“. Yone Estivariz argazkilari gasteiztarraren „Latxa“ proposamena aurkeztu dute. Argazkiak zuri-beltzean daude, baina koloretan errebelatuta baleude, aldea ia ez litzateke antzemango. Ardien kolore zuria nabarmentzen da argazki bakoitzean, begiratzen diguten noizbehinkako puntu beltzekin. Ondo definitutako mutur horien artean, gris etereoak paleta monokromatikoaren gainerako espazio osoa betetzen du“, azaldu du. Zeru grisa, harri grisak, klima latza, bide latzak. “Ez da harritzekoa ardiak ere horrelakoak izatea. Latxa hitzak ez du besterik esan nahi, latza euskaraz baizik. Eta izena bere artilearen ezaugarritik eratorria bada ere, bere begiek agerian uzten dute ez dela bere azala estaltzen duen mantura bakarrik mugatzen“.

Begirada horien atzean dauden sentimenduak asmatzen jolasteko tentazioa sentitzen du Estivarizek. “Axolagabekeria, inguru grisa haietan sartu izan balitz bezala; etsipena txakurren eta artzainaren aginduen aurrean. Beldurra haien gainean hegan dabiltzan putreei. Bere salbazioa, bere kideak. Bai bikoteka, bai talde txikietan edo artaldean, baina ez bakarrik. Animalia taldekoiak dira. Eta lehen batek axolababekeria ikusten zuen lekuan orain lasaitasuna ikusten du, badakitelako lainoa desagertzen dela egunak aurrera egin ahala. Etsipenaren ordez, eskerrona gidariei. Beldurra beharrean, indarrarekiko konfiantza talde gisa”, azpimarratu du. Ziurrenik ez dute ez beltz ez zuri ikusiko. Ezta grisa ere, lainoak zerumuga lainotzen dien arren. Belar berdea ikusiko dute, eta horra zuzentzen dute begirada.

EmART deialdia

Ia hiru urte daramatza ARTgia proiektua martxan. “Gure txikitasunean lan eta lan ari gara aukerak sortzeko, tokiko artista eta sortzaileei merezi duten lekua egiten laguntzeko. Dakizuenez, ARTgiak oinarrietan du feminismoa txertatua eta horregatik bigarren aldia da EmART proiektua abiatzen dugula” azalduIrantzu Lekue-k. Gasteizko Udalaren Gazteria Sailarekin elkarlanean aurrera aterako proiektua da, lehen aldiz.

Yone Estivariz, Uxue Ruiz de Arkaute eta Estibaliz Aguirre dira sarituak. Eurekin batera, epaimahaiak bi akzesit eman ditu: Uxue Bereziartua ilustratzaileari eta Maitane Argote Guzman artistari. Akzesit hauen bidez, erakusketa eta komunikazio zerbitzua izango dute aukeratutako artistek. “Arabako emakume* artiston lana ikustaraztea da deialdiaren helburua. Emergenteak direnak, mahaigaineratzea, aukerak zabaltzea. Horregatik plazera da guretzako EmART deialdiaren irabazleak publiko egitea”, nabarmendu du Irantzu Lekue-k. “Orotara 23 proiektu aurkeztu dira eta oso pozik gaude bai aurreko urteko emaitzekin baita aurtengo proposamenek izan duten kalitate artistikoarekin”.

Edurne Herran artistak WECÅNDOIT erakusketa aurkeztu du ARTgia-n

5 martxoa, 2020

Emakume sortzaileen lanen erakusleiho izateko konpromisoa berresten du Gasteizko aretoak. Herran-ek IKEAk gidaliburuko marrazkiek irudi maskulinoa erabiltzen dutela ikustean abiatu zuen proiektua.

Irudien salmentarekin eskuratutako dirua Lumagorri HAT elkarteari emango zaio, arauen kontrako eta aniztasunaren aldeko lanean segi dezaten.

GASTEIZ. Martxan da ARTgia sorgune & aretoaren urteko lehen eraksuketa. Irantzu Lekue arduradunak azaldu duenez, “Neguko Azoka erakusketa kolektiboa izan dugu martxan orain artean non 17 artistek parte hartu duten” eta orain, urteko lehen erakusketa emakumezko sortzaile batena izatea nahi izan dugu”. Edurne Herran arabar artista Berlinen bizi da eta handik bueltatu da Gasteizera hilaren 14a bitartean ikusgai egongo den erakusketa martxan jartzeko.

“Historian zehar, emakumearen presentzia eta arrastoa sarritan eta era askotan ezabatu izan da. “Aspaldidanik hasi ginen ohartzen izan ba zirela emakume zientzialariak, artistak, idazleak eta abar luze bat. Horietako askok gizon izenarekin sinatu izan dituzte euren lanak hauek argitaratu ahal izateko eta beste batzuk ordea, gutxietsiak izan ziren edo besterik gabe, garaiko arauek aginduta, gizonezkoei zegozkien espazioak okupatzeko ideia burutik kendu zieten beste askori”.

Iraultza baten lekuko eta parte izaten ari gara eta eskubide zein aukera berdintasuna konkistatu eta bermatu ahal izateko, hezkuntza ezinbesteko tresna da. “Emakumeok, gure ahotsa entzun dadin ari gara lanean eta borrokan, historian dagokigun espazioa bereganatu ahal izateko”.

IKEAko altzairu baten muntaiari ekin behar nion uneari dagokio egitasmo honen oinarrizko ideia, gidaliburuko marrazkiek irudi maskulinoa dutelaz jabetzean. Izan ere, oraindik ere, guk, emakumeok, dakiguna eta egin dezakeguna jasotzen ez duten ideiez, esaerez eta sinesmenez inguratuta gaude.

Egitasmoa gidaliburu hauen marrazkietan esku hartzean datza (koloreztatzeko liburuxken modukoak dirudite), hauengan presentzia femeninoa txertatuz. Parte hartze kolektibo bidez garatu da egitasmoa eta aurrera eramateko hainbat tailer ere egin dira (Vitoria-Gasteizko eta egun bizi naizen Berlineko haur eta helduekin). Emakume izatea zer den hausnartuz eta galdetuz garatu da egitasmoa, hala nola azalaren kolorea eta bestelako aspektu formalen inguruko azterketak eginez.

Erakusketa honetan tailer horien emaitza ikusi ahal izanen duzue eta zuon ekarpenekin ere parte hartzera gonbidatu nahi zaituztet. Irudien salmentarekin eskuratutako dirua Lumagorri HAT elkarteari emango zaio, hain zuzen ere, arauen kontrako eta aniztasunaren aldeko lanean segi dezaten.

Sejo Carrascosaren hitzaldia

Bi urte eta erdi daramatza ARTgia proiektua martxan. “Gure txikitasunean lan eta lan ari gara aukerak sortzeko, tokiko artista eta sortzaileei merezi duten lekua egiten laguntzeko. Dakizuenez, ARTgiak oinarrietan du feminismoa txertatua”. “Gasteizko Udalaren Kultura Sailarekin elkarlanean aurrera aterako proiektua da lehen aldiz” eta horregatik poza adierazi du. Lekuek azaldu du erakusketa otsailaren 14-a bitartean egongo dela ikusgai. San Valentin eguna dela profitatuz, Sejo Carrascosa LGTB ekintzailearen hitzaldiarekin itxiko dute erakusketa, otsailaren 13an.

Eskerrak/ Egitasmoan lagundu dute:

Maialen, Aarón, Amagoia, Alaia, Gorka, Josu, Leire, Koko, Alma, María, Alex, María, Gorka M., Josune, Xabier, Oscar, Ruth Rodríguez, Katiuska Palma, Elisabeth Erdtmann, Somayeh Soltaniyan, Mariby Romero, Oscar Lindo, Sheriff Adio, Gisela de Rojas, Ennio Lewandowski, Amellali G. König, Lucía Delgado, Amelia Nin, Stephania Castan, Clara Joris, Angela Arsinkey, Isidro Eimbcke, Jonás Eimbcke, Karina Villavicencio, Anton Laiko,

Gorbeia Eskola lehen hezkuntzako 4. Mailako ikasleak.

#egindezakegu #wecandoit #wecåndoit #nosotraspodemoshacerlo

Arte Garaikidearen salerosketa sustatzeko hirugarren Neguko Arte Azoka Gasteizen

19 abendua, 2019

“Artisten erakuslehio izateko jaio ginen, artista eta publikoaren artean zubi berriak sortzeko eta artea oparitu nahi dutenentzako aukerak parez pare zabaltzeko”, azaldu du Kristina Urizarbarrena koordinatzaileak

GASTEIZ. ARTgia sorgune & aretoak azoka berriz abiatu du Gasteizko Neguko Arte Azoka “artearen salerosketa sustatu eta Arabako artisten erakuslehio izateko jaiotako azoka”. “Sortzaile plastikoentzako behar beharrezkoa zen azoka sortu dugu”, azaldu du Kristina Urizarbarrena koordinatzaileak.

“Hirugarren edizioa da. 75 arabar artista baino gehiago igaro dira urte hauetan azokatik eta urtero sortzaile berriak sartzen saiatzen gara. Judimenditik, Gasteizko erdialdetik gertu baino at dagoen auzo honetatik gabonei begira baina etorkizunari begira bereziki horrelako ekimen bat bideratzea erabaki genuen”, azaldu du Urizarbarrenak.

Erakusketa kolektiboa izango da eta bihar osteguna aurkeztuko “Artistek artelan ezberdinak izango dituzte eta helburua kultura erabiltzaileak bietara gerturatzea da, kultura kontsumitzea eta zuzeneko hartu emanak sustatzea publikoekin”

17 izango dira orotara erakusketa honetan parte hartzen duten artistak, besteak beste, Unai Echevarria, Lorea Morlesin, Maitane Argote, Iñaki Alvarez, Alba Tojo edo Uxue Ruiz de Arkaute edo ines gonzalez de zarate, besteak beste. Ibilbide ezberdinak dituzten artistak tartekatu nahi izan dugu. Ibilbide oso emankor eta ezaguna dituztenak daude baita emergenteak. “Esperientzia eta gaztetasuna. Arabako artisten oraina eta geroa. Horregatik ere ahalegin berezia egin nahi izan dugu formatu ezberdinak lortzen kultur erabiltzaileek ere pieza ezberdinak izan ditzaten eskura”, esan du.

Bi urte eta erdi daramatza ARTgia proiektua martxan. “Gure txikitasunean lan eta lan ari gara aukerak sortzeko, tokiko artista eta sortzaileei merezi duten lekua egiten laguntzeko. Dakizuenez, ARTgiak oinarrietan du feminismoa txertatua eta horregatik hirugarren aldia da Neguko Azoka abiatzen dugula”, azaldu du.

Edurne Herran

Bukatzeko eta ARTgia da deialdiaren baitan, Edurne Herran artista arabarrak tailer bat eskainiko du WECANDOIT erakusketa osatuko duten elementuak sortzeko. Azaroaren 28an burutuko da tailerra eta dohakoa izango da. Alemanian bizi da Herran eta Gasteizera egingo duen bisita profitatuz tailerra antolatu du ARTgian.

Hiru emakume artistek jaso dute ARTgia sorgunearen EmART deialdiaren babesa

17 abendua, 2019

Epaimahaiak bi akzesit emango ditu: Uxue Bereziartua diseinatzaileari eta Maitane Argote Guzman artista plastikoari

Lehen aldiz, deialdia Gasteizko Udalaren Gazteria Sailak emandako babesari esker burutuko da

GASTEIZ. Bi urte eta erdi daramatza ARTgia proiektua martxan. “Gure txikitasunean lan eta lan ari gara aukerak sortzeko, tokiko artista eta sortzaileei merezi duten lekua egiten laguntzeko. Dakizuenez, ARTgiak oinarrietan du feminismoa txertatua eta horregatik bigarren aldia da EmART proiektua abiatzen dugula” azaldu du Almu Maeso ARTgia-ko kideak. Gasteizko Udalaren Gazteria Sailarekin elkarlanean aurrera aterako proiektua da lehen aldiz.

Yone Estivariz, Uxue Ruiz de Arkaute eta estibaliz Aguirre dira sarituak. Eurekin batera, epaimahaiak bi akzesit eman ditu: Uxue Bereziartua ilustratzaileari eta Maitane Argote Guzman artistari. Akzesit hauen bidez, erakusketa eta komunikazio zerbitzua izango dute aukeratutako artistek. “Arabako emakume* artiston lana ikustaraztea da deialdiaren helburua. Emergenteak direnak, mahaigaineratzea, aukerak zabaltzea. Horregatik plazera da guretzako EmART deialdiaren irabazleak publiko egitea”, nabarmendu du Maesok.

Aste batzuk iragan dira saritutako artistek ebazpenaren berri izan zutenetik eta ordutik ari dira lanean. “Orotara 23 proiektu aurkeztu dira eta oso pozik gaude bai aurreko urteko emaitzekin baita aurtengo proposamenek izan duten kalitate artistikoarekin”.

Yone Estivariz

Begirada horien atzean dauden sentimenduak asmatzen jolasteko tentazioa sentitzen du batek. Axolagabekeria, inguru grisa haietan sartu izan balitz bezala; etsipena txakurren eta artzainaren aginduen aurrean. Beldurra haien gainean hegan dabiltzan putreei. Bere salbazioa, bere kideak. Bai bikoteka, bai talde txikietan edo artaldean, baina ez bakarrik. Animalia taldekoiak dira. Eta lehen batek axolababekeria ikusten zuen lekuan orain lasaitasuna ikusten du, badakitelako lainoa desagertzen dela egunak aurrera egin ahala. Etsipenaren ordez, eskerrona gidariei. Beldurra beharrean, indarrarekiko konfiantza talde gisa.

Ziurrenik ez dute ez beltz ez zuri ikusiko. Ezta grisa ere, lainoak zerumuga lainotzen dien arren. Belar berdea ikusiko dute, eta horra zuzentzen dute begirada.

Uxue Ruiz de Arkaute

Eskultura eta arkitekturaren arteko zirrikituetatik jaiotzen da Uxue Ruiz de Arkauteren (Gasteiz, 1993) lana. Honela, kaleak eta hiriak pentsatzen dituzten ariketak eraiketa espazial afektiboetan itzultzen ditu. Izan ere, gure plaza, parke eta kale bazterrak, eredu patriarkalari jarraiki, ekonomian eta produktibitatean oinarrituz izan dira eraikiak eta ondorioz, gure kale iruditeriak oinarri ideologiko hauek betikotzen dituzte. Hala, egunerokotasunaren prekarizazioa bizitza egonkor baten gainean ematen delaren ideiaren aurka joz, bizitza berezkoa duen prekarietatea ulertzen duen lan honek, are gehiago ezegonkortuko gaituzten biziereduen eta hiri-ereduen aurka jotzen du. Ondorioz, hiri androzentriko batetik hiri zaintzaile baterako bidea ibili eta sentitzeko desiratik jaiotzen diren piezak, arteak berezkoa duen funtzionalitate eza bere alde erabiltzen dute, eraikuntza zein materialekiko harremantze emozional eta afektiboa areagotzearen baitan.

Estibaliz Aguirre Lopez de Munain

Bizi garen mundu honetan, erabat kontrolatuak, mehatsatuak, begiratuak gaude. Mugimendu automatikoek gidatzen dituzte gure gorputzak kaleetan barrena, robotak bagina bezala, pertsona bakoitza isolatuz, gure inguruan garrantzitsua dena ahaztuz.

Lanek, sare sozialetan jasotzen ditugun iritziek eta beste pertsonek gure askatasuna zapaltzen digutela sentitzen dugu; eta hala da. Zoritxarrez, askotan emakume izatearekin nahikoa da horretarako. Bakarrik horregatik ahulak, kaskarinak, astunak, sentiberak, politak, hutsalak, tuntunak garela ematen du.

Proiektu honetan, gizarteak agintzen duen normaltasun horretatik atera nahi dut, itsurazko ahulezia horretan eta inguratzen gaituen natura zaindarian oinarrituz; loreek erakusten duten itxura apurkorra eta finaren atzean indarra, grina eta boterea erakutsiz.

Piko Zulueta argazkilari arabarrak Basoratu erakusketa aurkeztu du ARTgian

21 azaroa, 2019

20 argazkik eta mosaiko erraldoi batek osatzen dute erakusketa

“Garaiko argazki kamara batekin egin ditut argazkiak, oihal beltz bat behar duten horietakoa. Kamara handi eta pisutsuarekin burutu nahi izan dut proiektua moteltasuna ederra dela aldarrikatzeko”

GASTEIZ. “Basoratu” argazkigintza sorkuntza garaikidea eta Shinrin Yokua (basoan ibiltzea eta gure zentzumenen bitartez naturarekin konektatzean datzan jardunbide japoniarra) bateratzen dituen proiektua da.

Lan honek zenbait bizi-beharrei erantzuten die: eguneroko erritmoa moteltzeari, gelditzeari eta bide batez gure bizimoduaren inguruan gogoeta egiteari.

Proiektu honen jatorria basoan bizi izandako zentzumen-bizipenetan eta ondorioz izandako erantzun emozionaletan dago. Hildo honetan, Basoratu proiektuak gogoeta egitera gonbidatzen gaitu eta aldi berean pentsamendu kritikoa eta gizakion ahalduntzea sustatzen ditu.

Moteltasunaren eta honen edertasunaren aldeko alegatu bat.

Gazteria Zerbitzuak gazte sortzaileentzako Gazte OK topaketa jarri du abian

31 urria, 2019

“Kultur kezkak dituztelarik proiektu berriei ekiteko gogoa duten” 16 eta 32 urte bitarteko pertsonek har dezakete parte

Arreta berezia emango zaie emakumeek egindako sortze-lanei, Oitia Ortiz de Lazkano artistak, Sara Berasaluce argazkilariak, Maiela Zurutuza diseinatzaileak eta Ania Buruaga ilustratzaileak parte hartuko baitute

Abian da gazte sortzaileentzako Gazte OK topaketa. Gasteizko Udaleko Gazteria Zerbitzuak sustatutako ekimen berria azaroaren 15ean (ostirala) eta 16an (larunbata) egingo da, IDarten —garai bateko Betoñuko komentua— eta Bibat musoan. Almudena Maesok eta Aaron Fernández de Arroyabek koordinatu dute ekitaldia, zeinak ideia zurrunbilo bat biltzen baitu. “Zer egiten dugu Gasteizen sorkuntzaren alorrean mugitzen garen gazteok? Zertan ari gara lanean? Zeintzuk dira gure proiektuak? Zein sinergia sortu daiteke? Nortzuk dira protagonistak? Zergatik ez dago horiek batzeko tokirik? Zeren zain gaude amets berriak eraikiko dituen eta geroko proiektuen hazia izango den topaleku bat sortzeko?”.

“Kultur sorkuntzaren alorreko 16-32 urte bitarteko gazteak elkartu nahi ditugu programazio baten inguruan, aliantzak josi eta ikasteko aukera izan dezaten. Tresnak eman nahi dizkiegu beren ametsak lortzen laguntzeko. Eta, jakina, arte mota guztiak sustatu, norbera adierazteko eta errealizatzeko bidea den aldetik”, azaldu du Gazteriako zinegotzi arduradun Miren Fernández de Landak. Gazte Planak gazteentzako topaketa-ekitaldi bat antolatzea aurreikusten zuen 4.2 ildoan. Orain, Udalak gauzatu egingo du proposamena.

Antolatzaileek azaldu dutenez, GazteOK topaketak ekarpena egin nahi dio oraingo kulturaren testuinguruari, berrikuntza eta arte eta kultur aktibismoa abiapuntutzat hartuta. Horretarako, “pertsonen ahalduntzea lortu nahi dute, arlo soziala kontuan hartzen duen artearen eta kulturaren ikuspegia eskainiz eta haiekin batera sortuz.Ikertu, probatu, iradoki, esperimentatu, transmititu eta azkenean sortzearen aldeko apustua egiten du, pertsonak arte eta kultura proposamenen inguruan biltzearren, bitarteko tradizionalak zein teknologia berriak erabiliz”. “Aliantzak lotu eta sinergiak bideratu behar dira, herritarrek artea eta kultura zerbait propiotzat har ditzaten, kultura eskuratzeko oztopoak kenduz”, amaitu dute.

Gazte OK programa hiru fasetan egituratu da. Lehenengo, prestatze-jardunaldiak egingo dira: hamar lantegi, kultur jarduerak… Bigarren fasean, ikuspegi profesionalagoa gehituko da. Azkenik, jardunaldiak berak egingo dira, bi egunetan, sortzeko kezka duten gazteentzat bakarrik.

“Lantegi batez ere praktikoak antolatu ditugu, oinarrizko hiru alderdiri buruz: ekonomia (fakturazioa, BEZa, PFEZ), online eta offline komunikazioa, eta ideia artistikoen kontzeptualizazioa. Emakumeak artean eta kulturan ikusarazteari buruzko eztabaida ere irekiko dugu, jasaten dituzten kritikak eta presioak aintzat hartuta”, azaldu dute antolatzaileek. Beste jarduera batzuk ere izango dira: dokumental baten proiekzioa, kontzertuak, performance bat… “Erdi Aroko hirigunetik atera nahi izan dugu, eta gure jarduerak hiriko beste leku batzuetara eraman: Espazioa, Pilarren; Orbain, Koroatzean; ARTgia, Judimendin; Arkaiate Kultur Espazioa, Salburuan, eta IDarte, Betoñuko garai bateko komentuan. Emaitza ezberdinak lortu nahi ditugu, eta era ezberdinean lan egitearen alde egin dugu”, azaldu dute.

Egitaraua:

Prestakuntza. Artisten ekonomia

Artisten ekonomiarekin lotutako prestakuntza praktikoa, urriaren 13an, 18.00etan hasita. Aaron Fernández de Arroiabek BEZaren, PFEZren edo fakturaken nondik-norakoak azalduko ditu.

Prestakuntza. Portafolio eta statementak

ARTgia sorgune & aretoa-rekiko lankidetzan, Kultur ACT-k prestakuntza praktikoa eskainiko du lan-sorta eta adierezpenei buruz, urriaren 24an, 18.00etan hasita. Ideiak nola kontzeptualizatu eta proiektuetan nola islatu landuko da.

Urriaren 25ean, 18.00etan hasita, komunikazio aditu Iñaki Landak online eta offline komunikazioari buruzko prestakuntza praktikoa eskainiko du.

Esku-hartze artistikoa. Urriaren 31n. Arkaiate espazioan

Esku-hartze artistikoa Arkaiate auzoan. “Jam formatua”, zuzeneko musikaz.

Girls! to the front hitzaldia:

Arabako hiru emakume artista eta sortzailek arte prozesua nola bizi duten azalduko dute, emakumeen* ikuspuntutik. Solasaldia azaroaren 6an izango da, ¶espazioa aretoan, 19:00etan.

NAKBAren kontzertua, Orbain kultur elkartean

Gasteizko rock taldea, hardcore ukituak dituena. Orbain kultur elkartean joko dute, jardunaldien aurretik giroa sortzeko. Talde gaztea da, eta gai berriak aurkezteko baliatuko dute kontzertua. Kontzertua 20:00ean hasiko da.

GazteOK jardunaldiak. Azaroak 15, goizez

Hasteko, solasaldiak izango dira Bibat museoan. Gai hauek aztertuko dira: kultura berrikuntzari buruzko esperientziak, kultura Europan… Garaion, Teklak, eta beste entitate batzuk izango dira parte-hartzaileen artean.

GazteOK jardunaldiak. Azaroak 15, arratsaldez

Diziplinen arteko ibilaldia: Nerea Garces argazkilari gaztearen argazki-erakusketa, kontzertu bat formatu txikian, eta arte-lan bat. 19:00etan hasiko da, Fariñasetik.

GazteOK jardunaldiak. Azaroak 16, goizez

Bibat museoan izango da azken jardunaldia. Gasteiz eta Arabako zenbait emakume artista, sortzaile eta kultur kudeatzailek hartuko dute parte. Parte-hartzaileen artean sinergia sare bat sortzea da asmoa.

Sara Rodriguez-ek eta Alazne Payuetak Hilarria erakusketa aurkeztu dute

31 urria, 2019

Judimendi auzoko ARTgia aretoan egongo da ikusgai azaroaren 17a bitartean. Hilerriaren kontzeptua lantzen dute artistek azaroan.

27 DinA3z osatutako muntai fotografiko aurkeztu dute Santa Isabel (Vitoria-Gasteiz) hilerriaren planoaren oinarri hartuta

GASTEIZ. Sara Rodriguez eta Alazne Payueta artista gasteiztarrek ARTgia aretoa hartu dute azaroaren 17a bitartean. `Hilarria´ erakusketa aurkeztu dute, “hilerriaren ideiarekin bat egiten duten hainbat obra aurki ditzakegu”. Zentzu honetan, ARTgia aretoa eskulturen eta muntai fotografiko baten etxea bilakatu dute. “Espazioaren antolaketak, nola aurkezten diren piezak espazioan eta hauen ezaugarri formalek hilerriaren ideiara berreramaten gaituzte”, azaldu dute.

“Begirada azkar batean, forma geometrikoak eta errepikapena nabarmentzen direla egiaztatzen dugu”. Materialen aldetik, porlana eta lore lehorrak dira eskulturen protagonistak; material xumeak. Material hauen materiaren bila goaz, lore lehorretan azaleratzen den pintura bizia arakatuz. Hauez gain, beste hainbat elementu aurki ditzakegu aretoan, besteak beste, soka, gortina eta altzairua. Hauek lekua estrukturatuko dute piezen arteko harremanak sortuz. “Interesgarriak aurkitu ditugu pieza horietan eman diren errealitate plastiko ezberdinak eta horrek eraman gaitu leku espezifiko bat eskaintzera pieza horiei. Leku bat munduan izaten uzteko. Horrela nolabait balore bat ematen diegula uste baitugu”.

Eskulturak “santuaren ideiatik jaiotzen dira, santuaren kontzeptua bere zentzurik zabalenean ulertuta”. “Ideia honetatik, iraunkortasuna interesatzen zaigu; sortze -zein eraikitze- prozesuan azaleratu zaizkigun edertasun izpi batzuen erregistroak dira azaltzen zaizkigun obrak”. Edertasuna itsusitasunean aurkitu, deskonposizioan zein lore lehorren heriotzan. Bilaketa horrek bultzatzen du gure sortze prozesua. Bestalde, eraiketan trinkotasuna gailenduko da; trinkotasun dinamiko bat, non pisu sentikorra beti gorantza doan.

Amaitzeko, 27 DinA3z osatutako muntai fotografiko aurkitzen dugu. Pieza honen konposizio estrukturala eta materiala dela eta, bereziki bereizten da aretoan. Santa Isabel (Vitoria-Gasteiz) hilerriaren planoaren eta lore lehorren argazki baten gainjarketatik jaiotako muntaia daukagu. Hilerriko horma-hobi eta hilobi komun guztiak zerrendatuz sortutako artxiboa da. Lore lehorren argazkia handitzerakoan, ikusten dugun hura zer den ahazten dugu eta materiari bidea zabaltzen diogu. Modu honetan, orbanak, marrak eta ehundurak gailentzen dira. Materia hori hilezkorra da. Ebaki bakoitza, eskaintza bat.

ARTgiaren izenean Iñaki Landa aritu da eta emakume artisten lanak ikustarazteko lanean jarraitzen dutela nabarmendu du. Ez hori bakarrik, “oso pozik, lehen aldia delako, Gasteizko Kultur Sailaren bitartez, elkarlanean, programa bat burutzea lortzen dugula. lehen aldia eta bigarren proiektua”.

Pablo Espejo Saavedra idazleak Aurwel kapitaina eta altxor fantastikoa eleberria aurkeztu du

31 urria, 2019

“Eleberriak mundo fantastikoa eta itsas mundua batzen ditu”. Gasteizko liburutegietan dago salgai, Elkar edo Roning-en adibidez, baita Amazon bidez ere.

“Irakurleek itsas borrokak lehen pertsonan biziko dituzte. Bolbora usainduko dute, eta itsas kapitainek euren itsasontzietan zeuden kideen gaineko bizitzaren erabakitze eskubidea zergatik zuten ulertuko dute”

GASTEIZ. Judimendi auzoko ARTgia sorgune aretoan aurkeztu du Pablo Espejo Saavedra idazleak bere lehen eleberria. “Bilduma osatzea da nire helburua. Publiko zabal batentzako idatzitako liburua da, errez irakurtzen dena, magia eta itsas borrokak uztartzen dituena”. Horregatik “pasarte laburrak dira”, 12 urteetatik gorakoentzako propio eginikoak. Itsas munduko hizkuntzasarrera izatea nahi izan dut”, nabarmendu du egileak.

Lau istorio kontatzen dituzten lau atek osatzen dute Ane Gebararen lehen arte instalazioa

24 urria, 2019

4pArTE: “Lau ate, lau emakumeen artean parte” – “emakumeen arteko lau ate”- “emakumeen parte”- “lau ate”

Lehen aldia da ARTgia sorguneak programa bat abiatzen duela Gasteizko Kultur Sailarekin elkarlanean

GASTEIZ. Ipuinkontalaria da Ane Gebara (Gasteiz, 1988) baina, lehen aldiz, arte bisuelatara egin du salto. ARTgia da! Deialdiari aurkeztu zuen udaberrian 4pArTE proiektua eta epaimahaiak saritu egin zuen, Piko Zulueta, Alazne Payueta eta Sara Rodriguez, eta Edurne Herran artisten lanekin batera. “4 parte, aparte edo 4 ate. Izenburuak bakarrik jolastera edo imajinatzera eraman ninduen, eta instalazio artistiko honetan aurkituko dituzuen 4 ateak ere, ipuinak askotan egiten duten bezala, jolastera, sentitzera, emakume desberdinen azalean jartzera eta imajinatzera eramango gaituzte”, azaldu du gaur goizean eskainitako prentsaurrekoan.

“Ipuinak kontatzen ditudanean, ipuinaren leku horretara joaten da nire burua eta horregatik maite eta kontatzen ditut istorioak, bukaezinak diren leku eta abenturetaraino bidaiatzeko”. “Istorio bakoitza, ate bat zabaltzea bezala delako sortu ditut lau mundu desberdinetara eramango gaituzten 4 ate. Gure gorputz eta mundua atearen kanpoaldean utzi eta protagonisten azalean eta bizipenetan murgilduko gara atearen bestaldera bidaiatuz”.

4 ate hauetan emakumeen 4 istorio daude entzungai, lau momentu konkretu lau bizipen, sentsazio edo lau erabaki. “Momentu batean bizitzan leiho bat edo ate bat irekiko balitz bezala planteatuta daude emakumeen egoerak. Momentu horietan murgildu sartu edo horietatik ateratzeko aukerak zabalduz”. Atearen bestaldea ez da izango edonolakoa, gertatzen eta kontatzen ari dena ondo sentitzeko atearen “barruan” material desberdinetan jarri ahalko dugu gorputza eta emakumearen munduan poliki-poliki murgilduko gara, bizkarrez, ia konturatu gabe.

“Emakumeen istorioak askotarikoak dira eta bidaiatzeko aukerak ere, ez izan zalantzarik, ARTgiako atea ireki, kaskoak jarri, play sakatu eta begiak itxi… istorioa hastear dago!” azpimarratu du.

ARTgiaren izenean Ludi Puertas aritu da eta emakume artisten lanak ikustarazteko lanean jarraitzen dutela nabarmendu du. Ez hori bakarrik, “oso pozik, lehen aldia delako, Gasteizko Kultur Sailaren bitartez, elkarlanean, programa bat burutzea lortzen dugula”. “Gaur lehen emaitza, lehen uzta aurkeztu dugu. Emakume gazte eta euskaldun batek sortutako erakusketa, beka honi esker burutu ahal izan dena”.

Berrikuntzekin heldu dio ARTgiak urteari gaurtik aurrera ARTgiak bere ordutegiak zabaldu egingo dituelako. “Astelehenetik igandera egongo da zabalik aurrerantzean. Beste aurrerapausu txiki bat guretzako”.

Egilearen aurkezpena

Ane Gebara naiz, duela 3 urte hasi nintzen ipuin eta istorioak kontatzen eta behin hariari tiraka ibili nintzela konturatu nintzen hariak ez duela etenik. Handik geroztik posible den leku guztietan kontatzen ditut ipuinak.

Hasiera batean publiko gazteari kontatzen nizkion bakarrik, magisteritzako gradoa bukatu eta gero haurrekin baitzen harreman, segurtasun eta lasaitasun gehien ematen zidatenak. Hala ere, duela bi urte helduei kontatzeko gogoak piztu zitzaizkidan eta Gazte Sortzaileak bekari esker, Itziar Rekalderen laguntzarekin “Harriak kontatu didatena” narrazio saioa sortu genuen. Hemen Arabak dituen eta herriz herri kontatzen diren istorioak batu eta eszenaratu genituen narrazioaren bitartez, Oses eta Miren txalapartarirekin lagunduta. Geroztik haur eta helduekin kontatzen dut.

Oraingoan, helduentzako instalazioa artistikoa da proposatzen dudana, ipuinak daukaten bapatekotasun eta esklusibitatea alde batera utzi eta nahi den momentuan entzungai egongo diren 4 emakumeen bizipenak egongo dira entzungai ate sinboliko batzuetan, istorioa horietara sartzeko aukera emanez.

ARTgiak Bonis Jafor-en proiektuarekin abiatu du ikasturtea

29 abuztua, 2019

Oitia Ortiz de Lazkano eta Amaia Ochoaren erakusketa gaurtik irailaren 21a bitartean egongo da ikusgai. Ortiz de Lazkano ARTgiatik pasa den artistarik gazteena da.

Zer gertatzen ari da gizon batzuekin? Zer gertatzen ari da emakume batzuekin? Galderari erantzunez emakumeen hasunarketak plazaratzen ditu

GASTEIZ. Martxan da ikasturtea ARTgia sorgune & aretoan. Abuztuko azken egunetan abiatzen dute ikasturtea Judimendiko galerian eta, aurten Oitia Ortiz de Lazkano eta Amaia Ochoa artistak dira protagonistak.Emakumeak ditu hizpide erakusketak. “Hausnarketa gune bat ireki nahi dugu momentu honetan emakumeek jasaten duten erasotaz hitz egiteko. Zer modutan kontatu diguten gure historia eta nola ikusten duen 17 urteko emakumea inguratzen diona”. Irantzu Lekue ARTgia-ko koordinatzaileak “artisten arteko adin tartea jarri du balioan. Azaldu duenaren arabera, “ez da ohikoa horrelako adin tarte handia duten bia rtistek elkarrekin aritzea, are gehiago batek 18 urte baino gutxiago dituenean baina horregatik da hain aberatsa, hain interesgarria. Eraso sexistez lepo egon da uda eta irailean artearen esparrutik horrelako hausnarketa bat planteatzea oso interesagrria da”, azpimarratu du.

Amaia Ochoa eta OItia Ortiz de Lazkanok zera galdegin dute: “Zer egoeratan gaude emakumeok, nola hezitzen ditugun gure haurrak, gure kidei, gurasoei, lagunak. Nola zaintzen ditugun berezko jarrera, gure hizkuntza. Gu lehenengoak izan behar gara aztertu behar garenak maitasunez, errudunak eta epaituak izan gabe guk jasan beharko dugun erasoari aurre egiteko”. Gaietan gure ardura onartzen dugunean hitz egiten uztean, buru, belarri, begi eta gure zentzumen guztiak irekitzean, orduan gauzak aldatuko dira.

Naomi Klein moduko pentsalariek aldarrikatu bezala artsitek ere zera adierazi dute: “ulertu behar dugu nondik gatozen, erraitera jo”. Historian zehar ez digute utzi hitz egiten zirkulu publikoetan, ez unibertsitatean, ez parlamentuetan, ez bilera sozialetan. Historia kontatu digute idatzi zuten pertsona berberak, nahi izan duten moduan.

Hausnartzen modu superfizialean, baina oso grafikoa sei hiztegi entziklopediko, gizonen eta emakumeen argazkien arteko proportzionaltasuna. Hainbeste teoria ikertutak eta garatuak emakumengandik haien senarrengatik aurkeztuak, emakumeak isilarazi. Honetaz konturatu behar gara berriz gerta ez dezan.

Aprobetxatuz lehendik ez genuela hitza izan, hau da momentua esateko zehazki denbora luzez gordetakoa. Gaur egun, nahiz eta berdintasunaren alde aurrerapenak lortzen ari direlaren irudia eman, esaterako, M8ko manifestazioa (Emakume Langilearen Nazioarteko eguna) ez dugu hainbeste aurrera egiten. Gakoa da, zer norabide hartzen ari den borroka feminista gaur egun. Gero eta gehiago gobernuko erreforma gehiago ikusten dira, eta inoiz hauek izan dira bidea iraultza egiteko. Ezin dugu baimendu sistema kapitalista hau feminista izatea. Batez ere, ez dugulako nahi esplotatzailea gizon izatetik emakume izatera pasatzea. “Esplotatzailerik ez egotea nahi dugu, horretarako iraultza antikapitalista piztu behar da”.

BIOGRAFIAK

Amaia Ochoa eta Oitia Ortiz de Lazkano izeba eta iloba, 38 urteko desberdintasunarekin iritzi diferenteak eta hausnarketak haien generoaz bota nahi dituzte.

Belaunaldi jauzi nabaria kontuan hartuta eta anarko feminismoari buruzko ikastaro batera joan eta gero planteatu zuten haien iritzi desberdinak partekatzea emakumeek jasan behar duten erasoaz, emakume isilaldiei buruz,… hitz egiteko.

AMAIA OCHOA (1965)

Gasteizko “Escuela de Artes y Oficios”tik pasatu egin da urte eta diziplina desberdinetatik. Interiorismo eta Diseinu Grafikozko ikerketak egiten ditu Goimailako diseinu eskolan.

Muragilea, eszenografien eta eraikinen margolaria izan zen 90ko hamarkadan 15 urtez eta beste 15 urte Diseinu grafikoaren munduaren barruan. Beti artearekin oso lotuta modu oso indibidualean, Mahaiako kolektiboan eskua hartzen du, kultur mahai sektoriala Araban honen eragin motzean. 1992tik esposizio desberdinak gauzatu ditu. Hainbat sari jaso ditu bai pinturagatik bai diseinu grafikoagatik.

OITIA ORTIZ DE LAZKANO (2002)

Bigarren Batxilergoko ikaslea, zientzia sozialak. Aktibista ideologia antikapitalistarekin.

Oso gazte zenean hasi zen formatzen ekintza desberdinetara joaten feminismoari buruz, ez arrazakeriari buruz, antikapitalismoari buruz, anarkismoari buruz, komunismoari buruz,… Honek, hiriko kolektibo desbeditan sartzea baimendu zion praktikara pasatzeko. Arteari dagokionez, “La lagrima azul. Reflexiones de tia y sobrina.” bere lehenengo kontaktua da.

ERAKUSKETAK

2018

Escuela de Artes y Oficios de Vitoria-Gasteiz “Deja de fumar dibujando” Sarrera eta 6 mihiseko seriea azaltzeko “Deja de fumar dibujando.” liburuaren lana. Vitoria-Gasteiz.

2016-2017

“Deja de fumar dibujando” liburuxka-proiektuaren Autoedizio. Aurkezpenak Espainiako leku desberdinetan. Vitoria, Bilbao, Pamplona, Madrid.

2016

Esposizio ibiltaria Zentro Soziokulturala nagusietatik “Manos 2” (Vitoria-Gasteiz).

2015

Esposizio Bar Querida María “Manos 2”(Vitoria-Gasteiz)

2014

Esposizio Multiusos de Samaniego eraikinean “Manos 2” (Álava).

2013

Esposizio Cafetería Om (Vitoria-Gasteiz) “Manos 1”.

2012

Sasetako gela publika (Treviño). “Seis elementos”

2002

Esposizio Kultur Etxea Ignacio Aldecoan lehiaketan saritutako akuarelaz “Juan José Urraca”.

2000

Pinturazko eta argazkilarizko esposizio indibiduala Gasteizko Bar Ibún.

1996

Pinturazko Esposizio Kolektiba. Euskadiko emakume gazteen elkartea CC Iparralde. Vitoria-Gasteiz.

1995

Artista Gazte Esposizio Zentro de Junta Municipalean. Arabaca, Madrid.

1992

Esposizio Indibiduala Bar Pasar Seni. Vitoria-Gasteiz.

SARIAK

2005

Martxoak 8ko irabazle kartela. Alicante.

2003

Logotipo irabazlea Merkataritza federazioarentzako eta Gasteizeko Erdi Aroko hiriguneko zerbitzuak.

2002

Zaritutako obra “Juan José Urraca” bigarren akuarela lehiaketan eta DFA Kirol fundazioak emanda

1994

Irabazitako Kartela EHGAM Euskal Herriko Gay-Les Askapen Mugimendua kolektiboarena. Donostia.

1992

Castañeda Saria. Gasteizko arte eskola eta ofizios.

1989

Hautatuta “Per Infad per Estudiants” sariagatik. Sucursal Bancaria proiektuaren interiorismoa. Barcelona.

Duela 20 urte gutxi gorabehera Arabako Emakumeen asanbladak eskatu zion postal bat egitea eraso sexistaren kontrako egunerako. “La Lagrima azul”. Momentu horretatik, bi obra egiten ditu. Hauek gordeta gelditzen dira. Bi hamarkada beranduago hasten die hautsa kentzen eta ikertzen zer gertatu den ia 20 urte zehar.

Ilustradorekin, artistekin, zeramikariekin, artisauekin, diseinatzaileekin, lagunekin, auzokideekin, lanbide desberdinetako jendearekin, emakumeen aurpegiak artearen bidez aurkeztuak historian zehar eta pertsona bakoitzak “lagrima azul” gehitzea proposatzen du, bakoitzaren hausnarketarekin.

2018an lanbidez aldatzen da eta garbigune batean hasten da. Hemen pertsona desberdinek inork ez dituen nahi entziklopediak uzten dituzte, teknologiak mundua aldatu du informazioan eskuratzeko momentuan. Entziklopedietan agertzen diren emakumeen aurpegiak mozten hasten ditu. ¿Zenbat gizon agertzen dira emakumeekin konparatuz? Lan hau islatzen da galeriako paretetan lienzo desberdinetan.

Estanpatutako eta editatutako lanen erakusketa aurkeztu du Usoa Zumetak ARTgian

18 uztaila, 2019

Koldobika Jauregi, Dora Salazar, C. Ortiz de Elguea, Germán Gárgano, Pablo Gonzalez, Edu Lopez, Vicente Larrea, J.L. Zumeta eta Iñigo Arregi artisten lan grafikoarekin osatutako erakusketa da

“Azken urteetan burutako lan grafikoa batu eta Gasteizen erakusketa aurkeztu dut lehen aldiz”, esan du Usoa Zumetak

GASTEIZ. Lehen aldia da Usoa Zumeta usurbildarrak erakusketa aurkeztu duela Gasteizen. Judimendi auzoko ARTgia sorgune & aretoan abiatu du, azken urteetan sortutako obra grafikoa hizpide. Serigrafia da artelan hauen guztien teknika eta zenbakitutako ale mugatuak dira guztiak.

Euskal artista handiak biltzen ditu erakusketak, tartean, Koldobika Jauregi, Dora Salazar, C. Ortiz de Elguea, Edu Lopez, Vicente Larrea, J.L. Zumeta eta Iñigo Arregi artistena. Hauekin batera Germán Gargano argentinarra eta Pablo Gonzalez portugaldarra daude. Zumetak berak azaldu du nola egiten duen artisten aukeraketa: “gustuko artista baten lana ezagutzean berarengana jotzen dut zuzenean. Artistak teknika honetan landu nahi duen irudia aukeratzen du eta artistak berak egiten du lehen artelana”. Horregatik obra bakoitzean artistaren eskua dago “artistak sortzen duelako Usurbilgo nire tailerrean”.

“Edozein teknikatan burututako lanak itzuli daitezke serigrafiara”, azaldu du. “Tenpera, akuarela edo oleoa izan artistaren erronka serigrafiara pasatzea da”. Itzulpen lan moduan definitzen du Usoa Zumetak lan hau “bi hizkuntza ezberdin dielako, bi teknika eta batetik bestera artistak pasatzen du”. Ideia ez da erreprodukzio bat egitea baizik eta beste obra bat sortzea horregatik “artistaren obra grafika orijinala da sortzen duguna”, azaldu du.

Irantzu Lekue ARTgia sorgune & aretoko zuzendariak nabarmendu du “Usoa Zumeta bera dela artista guztien arteko nexoa”. “Erakusketa bat antolatzerakoan, normalean, tematika edo garaika antolatzen dugu. Kasu honetan, aldiz, ez da horrela izan Usoak aukeratu dituelako artistak eta artelanak, urteetan eurekin lanean egon ostean”, azaldu du. Era berenan, “ARTgia taldekook erakusketarekin oso pozik daudela nabarmendu nahi izan du. Usurbilgo tailerrean ezagutu ginen Usoak eta biok eta ordu gutxi bahar izan genituen erakusketa honetan pentsatzen hasi eta antolatzeko. Hiru hilabete baino gutxiago behar izan ditugu martxan jartzeko”, adierazi du.

Uraitz Soubies argazkilariak Hamar urte eta lurrikara bat erakusketa aurkeztu du ARTgian

18 urria, 2018

Puebla-ko -Mexiko- lurrikararen lehen urteurrena beteko da asteazkenean. Data probestuko du argazkilari gasteiztarrak argazkien bidez bertan gertatutakoaz hausnartzeko. Ez da lehen aldia. 1985 urtean ere lurrikara jazo zen Mexikon hilaren 19an. 4,6 gradutako lurrikara izan zen iragan urtekoa eta 362 hildako eta 3000-tik gora zauritu utzi zituen. Uraitz Soubies bertan zen. Kamara hartu eta “10 urte eta lurrikara bat” erakusketa sortu du, “lurra, ura, iragana eta etorkizuna ditu hizpide”. Hilaren 29a bitartean egongo da ikusgai ARTgia sorgune & aretoan.

GASTEIZ. Duela hamar urte heldu zen Mexikora Uraitz Soubies (Gasteiz, 1981), zinema, argazkilaritza eta arte zuzendaritzan aritzeko gogoak bultzaturik. Zorionez, iritsi eta puska batera hasi zen zinema munduan lanean. Horri esker, gauza pila bat ikasteko aukera izan du, era praktiko eta autodikatiko batean. Mexikok, eta Uraitz inguratu duen jendeak, “formatu nau, ez bakarrik nire kameraren bidez gauzak ikusteko dudan eran, baita etorkizunari, bizitza eta heriotzari, iragana eta orainari aurre egiteko moduan ere”.

Gauzak horrela, bere sorterri “babazarro-pataterora egin dudan bidaia honetan, nire hiriari, eta argazki-erakusketara datorren edonori, Mexikon eman ditudan hamar urte hauetako pusketa bat erakutsi nahi diot, tartean, zoritxarreko lurrikara handi eta suntsitzaile hura ere”.

“Hamar urtez egin ditudan argazki guztietatik gutxi batzuk aukeratzea ez da erraza izan”, aitortu du Soubiesek. Azkenean, bildumatxo bat osatzea lortu du, bertan, “nire ustez, Mexikon sumatu ahal diren sentsazio ugari transmititzen dira: hondartza eta uraren lasaitasunetik munduko hiri populatuenetako baten kaos eta bakardadera”. Irantzu Lekue, ARTgia sorgune & areto-ko zuzendariak nabarmendu du “erakusketa oso orekatua” sortu dutela “lurrikaratik haratago herri eta hirietako bizitzan erreparatzen duena, erabateko suntsipenaren gainetik, bizitza eta aurrera jarraitzeko izpiritua islatzen duena.

Azaldu duenez, Mexiko, hamar urte eta lurrikara bat, azkenean, “nik herrialde hari egiten diodan omen edo aitortza bat da, berak ahalbidetu didan hazkunde pertsonal, profesional, fotografiko eta zinematografikoari zor”. Izan ere, bera gabe, niretzat dena baitzatekeen ezberdina, edo are okerrago, inoiz ez zatekeen izango. “Erakusketa honekin, espero dut eguneroko Mexiko, apala, lasaia, solidarioa zuri, ikusle, ekartzea. Mexiko intimoago bat”.

BIOGRAFIA

Uraitz Soubies Gasteizen sortu zen, 1981ean, Euskal Herrian. Analogikotik digitalerako trantsizio teknologikoa gertatu zen aroan haztea egokitu zitzaion: kaleko jolasetatik bideo-jolasetara. Txiki-txikitatik, euskal musika tresna eta soinuek eragiten zioten liluraz gain, argazki kamerak maite izan zituen, inoiz berriz gertatuko ez diren uneak harrapatu eta dokumentu ikusgarri bihurtzeko. Denborak aurrera egin eta argazkilaritzarako interesa areagotu zitzaion, ondoren, zinema munduan lanean hasiz gero, era autodidakta batean perfekzionatu zuen.

Duela hamar urte, Uraitzek Gasteiz, bere sorterri txikia, utzi eta Mexikora joan zenean, aukera izan zuen zinema eta telebistako lana mundua eta inguratzen zuten pertsona eta egoerak dokumentatzeko pasioarekin bateratzeko. Horrela bere teknika eta begi fotografikoa garatu zituen. Bestalde analogikotik digitalerako trantsizio aroan jaio izana gakoa izan da Uraitzek argazkiak egiteko bi era horiek ere txandakatu ditzan: lasaiagoa, erlaxagarriagoa, motelagoa den analogikoa eta azkarragoa, bat-batekoagoa, aukera anitzagoak ematen dituen digitala. Bi teknikak erabiliz Uraitzek jarraitzen du eguneroko uneen argazkiak egiten, bere inguruan gertatzen direnak, norberaren baitan geratzen diren oroitzapen, sentsazio, zapore, istorio, zer edo zer hori transmititzen duten irudien bila.

Uraitzek ikus-entzunezko egitasmo askotan esku hartu du, argazkilari gisa batzuetan, arte-zuzendari besteetan. Arlo honek ere liluratzen du, izan ere, estu loturik dago argazkilaritzarekin.

Gaur egun, Uraitzek Mexiko Hirian bizi eta lan egiten du, kutsadura, trafiko, kaos eta miloika istorioren artean, hor daudenak noiz harrapatuko zain.

Zuian sortutako Irantzu Lekueren azken lana: herritartasuna sendotzeko horma irudi bat

24 abuztua, 2018

30 herritarrek hartu dute parte datorren astelehenean Murgian inauguratuko den muralean

Murgia, 2018ko uztailaren 27a_ Hiru aste eman dituzte Zuia udalerriko herritarrek Murgiako Jai-Alai frontoian horma irudi bat sortzeko, Gasteizko Irantzu Lekue muralistaren gidaritzapean. Eta emaitza zoragarria da.Artistaren hitzetan, “oso harrera ona izan du proiektuak hasieratik eta poz-pozik gaude bizi dugun guztiarekin. Zuiako herriari parte hartzea eskertu nahi diot. Eta baita zoriondu ere, lortutako emaitzagatik. Egileek eta lana ikustera hurbildu diren guztiek adierazi digute lan ederra dela eta gustatu zaiela. Eta ni harro nago, eurentzako baita”.

Zuiako Udalak bultzatutako ekimen honek herritarren parte hartzea eta gizarte eraldaketa izan ditu ardatzak, eta artea, euskara, generoa eta tradizioak hizpide. Lekueren muralismoak mundua edertzea du helburu. Eta baita herritartasuna sortzea eta sendotzea ere. Artistak horretarako propio sortutako dinamika eta saioen bidez, Zuiako herritarrekin garatu du Jai-Alaiko horma irudia, udalerriko hainbat ikur, iraganaldiko eta orainaldikoak, iruditzeko. Besteak beste ume bi, emakume bat behia jaisten, zubi bat, bolatoki bat, eztiorrazi bat, pagadi bat eta Gorbeiako gurutzea, jakina!

Archives

30 herritarrek hartu dute parte datorren astelehenean Murgian inauguratuko den muralean