ARTgiak bere jarduera guztiak bertan behera utzi ditu eta erakusketa gunea apirila bitartean itxi du

>GASTEIZ. Joan den asteartean ARTgia sorgune & Aretoak iragarri zuen bertan behera uzten zuela nazioarteko biran espazioan burutu behar zen “El Búho” antzerkia. Arrazoia: Euskal Herriko kultur ekintza eta ikuskizun ia guztiak baliogabetzera eraman duen berbera: COV-19 Birusa eta hori kontrolatzeko erakundeek proposatutako neurriak errespetatzea.Espazioa haratago joan da gaur: bertan behera utziko ditu bere jarduera guztiak, eta apirilera arte itxiko ditu ateak. Hala iragarri du haren zuzendariak, Irantzu Lekue artistak. “Bildu gara, artistekin hitz egin dugu, eta apustua arduraren aldekoa da. Gure ustez, gertatzen ari dena ulertzeko gakoa gizabanakoaren mailatik izurrite mailara igarotzea da, berau pairatzen duena gizartea baita. Horregatik, etxean geratuko gara”.

Jarduera etenaldiak antzerki bat, hainbat bisita gidatu eta bi erakusketabertan behera uzti ditu: Yone Estivariz argazkilariarena eta Uxue Ruiz de Arkaute arkitektoarena. Irantzu Lekuek azaldu duenez, ARTgiak apirilera arte ateak ixtea aurreikusten badu ere -osasun agintariek beharrezkoa ez dela eta egoera normalizatu egin dela-, Ruiz de Arkautek bere esposizioa irailera arte atzeratu behar izan du eta Estivarizek hiru eguneko esposizioa galdu du.”Erakusketa gunea goraino dago abuztua bitartean eta hori da ikusi dugun aukera bakarra. Aurrerantzean bertan behera utzi behar badira irailetik aurrera kokatuko ditugu”, azaldu du.

ARTgiak, horrela, osasun-agintariek gomendatzen dizkiguten euste-neurri, berrogeialdi-neurri eta isolamendu-neurri guztiak errespetatzearen alde egiten du. “Izan ere, hori eginez ere, eta historian inoiz baino prestatuago egonda pandemia bati aurre egiteko, inoiz baino globalizatuago gaude, halaber, pandemia bat hedatzeko eta indartzeko”. Artgiak bere komunitatea zaintzearen alde egiten du, erantzukizunaren alde.